Поранешен дипломат упати остри критики за новата дефиниција за терминот исламофобија дефиниран од парламентарната група за Британците муслимани.
Во извештајот со наслов „Дефинирање на исламофобијата“, сер Џон Џенкинс упатува критики во врска со дефиницијата и испитувањето на природата на истражувањето што го спровела пратеничката група.
Пратеничката група на британски муслимани објави работна верзија на дефиницијата за исламофобија, каде што велат „исламофобијата е вкоренета во расизмот и е вид расизам кој е фокусиран врз изразувањето на муслиманите или поточно како општеството ги перципира муслиманите“.
„Не се сомневам дека пратениците што се дел оваа работна група имале најдобра намера. Омразата кон муслиманите е проблем што мора да биде решен политички и општествено, како и индивидуално. Но предложените дефиниции за исламофобија не само што се неадекватни туку тие се и потенцијална штета на општествената кохезија“, вели Џенкинс.
Тој додава дека доколку владата ја усвои оваа дефиниција, ова ќе ги загрози слободата на говорот и слободата на медиумите и дека тоа ќе биде отворен напад врз антиектремистичката борба.
