Американскиот државен секретар, Мајк Помпео, и вршителот на должноста грчки министер за надворешни работи, Јоргос Катругалос, во Вашингтон го почнаа инаугуративниот стратешки дијалог меѓу САД и Грција.Тие ја потврдија заложбата за продлабочување на билатералната соработка во клучните области за заедничка корист на двете земји.
Помпео, како што соопшти Стејт департментот, ја истакнал важноста на Грција како столб на стабилност во Источен Медитеран и Балканот и ги пофалил грчките придонеси како НАТО. Тој ја потврдил и силната поддршка на САД за грчкото раководство за постигнувањето на историскиот преспански договор.
Американскиот државен секретар ѝ честитал на Грција за нејзиниот излез од програмите за финансиска помош и понуди континуирана поддршка за економското закрепнување на Грција. Двајцата соговорници се согласиле да продолжат да работат заедно за да промовираат стабилност и просперитет на Балканот.
