Британската безбедносна служба пропуштила неколку шанси да го спречи терористичкиот напад во Манчестер кој се случи во мај 2017 година за време на концертот на Аријана Гранде и во кој загинаа 22 лица, се вели во парламентарниот извештејот објавен денес.
Според извештајот на Парламентарниот комитет за разузнавање и безбедност, МИ5 не реагирала доволно брзо откако случајот на бомбашот Салман Абеди бил означен за преглед. Извештајот, во кој се разгледува одговорот и на други терорирстички напади во земјата во 2017 година, истакнува бројни грешки од страна на полицијата и безбедносните служби, вклучувајќи ја и одлуката на МИ5 да не го ограничи патувањето на Абеди, што му овозможило да се врати од Либија во Британија и да го изврши нападот.
Во извештајот се наведува и дека Абеди неколкупати посетувал екстремисти кои биле во затвор, како и дека безбедносните служби не одлучиле да го надгледуваат неговото движење.