Европската Унија издала речиси 3,1 милиони дозволи за живеење во 2017, соопшти бирото за статистика на ЕУ.
Според Евростат, бројот на нови дозволи пораснал 4 проценти, односно 112.000 во 2017 за разлика од 2016.
„Вработувањето се јавува како причина за една третина, односно 32 отсто од дозволите што се издадени во 2017, а по нив следуваат семејните причини со 26 отсто, образование со 17 отсто и други причини, во кои спаѓа и меѓународната заштита со 24 отрсто“, велат од статистичкото биро.
Повеќето нови резиденти дошле од Украина (662.000 лица), Сирија (223.000) и Кина (193.000). Меѓу најпопуларните земји за новите резитенти се јавуваат Полска, Германија и Британија.
Полска ја избрале главно лица што не се жители на ЕУ поради вработување, а Британија поради образование.
Меѓу Украинците главна причина за дозвола за живеење била вработувањето, меѓу Кинезите образованието, додека, пак, Сиријците со статус на бегалци главно аплицирале за азил.
