ВМРО-ДПМНЕ, партијата што со години од Македонија направи заробена држава, изолирана и без пријатели во светот, денес како опозиција продолжува по секоја цена да ја блокира македонската иднина, реагират преку соопштение од СДСМ на изјавата на портпарлот на ВМРО-ДПМНЕ, Димче Арсовски.
„Владата предводена од СДСМ преку почнатиот процес на реформи обезбедува професионална и ефикасна администрација, создава услови за неселективно владеење на правото и силна борба против криминалот и корупцијата. Тоа е признаено од целиот демократски свет и јасно наведено и во извештајот за напредокот на Република Македонија изготвен од Европската комисија. Денеска, Македонија ги почна пристапните преговори за членство во НАТО. Нема поголема потврда од тоа за напредокот што Македонија го прави од некогаш заробена држава до држава на прагот на НАТО и ЕУ“, се вели во сопштението на СДСМ.
Од партијата додаваат дека антизападното раководство на ВМРО-ДМПНЕ на ниту еден начин нема да ја закочи иднината во ЕУ и НАТО.
