Најмалку 19 лица загинаа при лизгање на земјиштето предизвикано од силните монсунски дождови во јужниот дел на Индија, додека патиштата беа отсечени и неколку села беа затрупани.
Некои области се целосно отсечени со лизгањето на земјиштето, а владата побара помош од армијата при расчистување и деблокирање на патиштата, објави „Асошиетед прес“.
Најмалку 58 лица загинаа пред две недели во северна Индија, поради поплави и уривање куќи.
Стотици Индијци страдаат секоја година за време на монсунските дождови, од јуни до септември, поради уривањето на куќите и поплавите.