Осуммина се повредени во масовна тепачка што настанала меѓу две семејства во Гостивар. Според полицијата, инцидентот се случил вчера околу 22 часот во населбата Фазанерија 2 во Гостивар.
Во физичката пресметка учествувале две групи – семејството на И.П. и нивните пријатели и семејството на А.Б. и нивните пријатели. Во тепачката биле користени разни предмети од двете страни.
Притоа телесни повреди добиле лицата Б.Е. (33) од Тетово, И.Б. (27) од Гостивар, А.Б. (34) од Гостивар, Е.П. (32) од Гостивар, Е.П. (22) од Гостивар, М.П. (49) од Гостивар и Е.Н. (18) од Гостивар.
Тешки телесни повреди добило лицето Б.Ф. (26) село Теарце, Тетовско. По укажаната помош во гостиварската болница, а поради сериозноста на повредите, тој бил пренесен во комплексот клиники „Мајка Тереза“. Се преземаат мерки за целосно расчистување на случајот.
