Во пресрет на Светскиот ден за борба против хепатитис – 28 јули, Светската здравствена организација (СЗО) ги повика сите земји и здравствени институции итно да ги интензивираат тестовите за хепатитис со цел да го елиминираат вирусниот хепатитис како закана за јавното здравје до 2030 година.
Вирусниот хепатитис Б и Ц загрозува 325 милиони луѓе во светот. Доколку не се лекува, може да предизвика рак на црниот дроб и цироза. Тој е причина за 1,3 милиони смртни случаи само во 2015 година. Во светот, помалку од 20 проценти од луѓето имале пристап до тестирање и лекување од хепатитис Б и Ц до крајот на 2016 година.
Повеќе од 10 отсто од три милиони монголски жители имаат хроничен хепатитис, поради што земјата во 2017 година започна своја национална програма за здравствена заштита наречена „Здрав црн дроб“.Монголија има намера да обезбеди прегледи на 1,8 милиони луѓе на возраст над 15 години.
