Средиштето на топлотниот бран се наоѓа во западниот дел на Франција, односно во источниот дел на Германија, а врвот на топлотниот бран се очекува денеска, но нема да попушти ниту за време на викендот. Метеоролошката страница „Акуведер“ објави дека исклучително високите температури се очекуваат и за време на викендот, а иста прогноза дава и „Сивир ведер Јуроп“.
Како што пренесува „Гардијан“ во Велика Британија паѓаат рекордите, а се појавиле и неочекувани проблеми од топлотниот бран. Температурите почнале да влијаат и на железничката инфраструктура, поради што возовите возат побавно. Проблемите не ги создава само температурата, туку и невремето и грмотевиците на северот од земјата.
Инаку според метеоролозите во текот на утрешниот ден во Македонија ќе преовладува сончево време со умерена облачност и со услови за изолирана појава на краткотраен пороен дожд и грмежи.
Потоа продолжува периодот на променливо облачно време со локален пороен дожд и грмежи.
Кон средината на наредната седмица се очекува извесно стабилизирање на временската состојба. Дневната температура ќе бележи благ пораст.
