Секогаш во средиштето на збиднувањата...

Владина делегација оддаде почит пред споменикот на жртвите од скопскиот земјотрес

Владина делегација во состав Драган Тевдовски, министер за финансии, Дамјан Манчевски, министер за информатичко општество и администрација и Зорица Апостолска, министерка задолжена за странски инвестиции, утрово оддаде почит и положи свежо цвеќе пред споменикот на жртвите од земјотресот во Скопје, во 1963-та година, соопшти владината прес-служба.

„Одбележувањето на 26-ти јули, кога се случи катастрофалниот земјотрес во Скопје, за Владата е сеќавање на бројните жртви, но и вечен потсетник за сочувството, помошта и солидарноста што ги покажа светот кон семејствата на загинатите и кон градот Скопје. Тоа е наша обврска, да возвраќаме со сочувство и помош кон оние на кои им е потребно, да градиме општество врз темелите на солидарноста и да продолжиме да го развиваме главниот град со ентузијазмот и прогресивната визија, со којашто беше обновен“, се вели во соопштението на Владата.