“Скини ми ја казната или сите ќе ги видат фотките” – ова е пораката што ја добил полицаецот од Гостивар

Надворешната канцеларија за криминалистички работи Гостивар поднесе кривична пријава против 45-годишниот Р.М. за „уцена“.

Полицијата информира дека Р.М. уценувал полициски службеник од Полициската станица Гостивар да му врател пари во висина на парична казна за сторен сообраќаен прекршок, заканувајќи се дека во спротивно ќе објавел видео снимки и фотографии со инкриминирачка содржина со која би можел да му наштети на неговиот чест и углед.