Граѓаните и без извештајот живеат лошо, рече лидерот на ВМРО-ДПМНЕ, Христијан Мицкоски, на прес-конференција во партиското седиште во Скопје.
„ВМРО-ДПМНЕ даде поддршка за системските закони. Неуспехот во планот 3-6-9 нема да го покрие ‘капитулантскиот договор’ на Заев, кој ВМРО-ДПМНЕ нема да го поддржи“, рече првиот човек на најголемата опозициска партија, порачувајќи ѝ на власта да се фати за работа.
Мицкоски додаде дека судството е политизирано, а полицијата функционира под диктат на власта.На прашање за став на ВМРО-ДПМНЕ за можниот референдум, Мицкоски рече дека не би одговарал на хипотетички прашања.
„Нема да учествуваме во работата на седниците каде што ќе се расправа за капитулантскиот договор на Заев“, рече Мицкоски.
