Времето денеска беше променливо облачно, ветровито и значително посвежо, претпладне на повеќе места со повремен локален слаб дожд.
Облачноста се преместуваше кон југоисток, а попладнево зголемена облачност има само на запад.
Преку денот дуваше умерен северозападен ветер кој долж Повардарието и на повисеките места засилуваше. Умерен ветер има на крајот од денов.
Најмногу дожд денеска наврна во Лазарополе, Претор, Битола, Маврово, Струмица, Крива Паланка и Охрид.
Вечерва малку повеќе облачност ќе има се уште на западот, но и таа ќе се намалува.
Ќе остане да дува слаб и повремено умерен северозападен ветер, најизразен во Повардарието.