Времето утре претпладне ќе биде променливо облачно со повеќе сончеви периоди. Попладне ќе биде нестабилно, со локален дожд и грмежи и со услови за локална поја на град.
Вредноста на УВ индексот ќе изнесува 7. Дневната температура ќе се движи од 20 до 31 степен.
До понеделник времето ќе биде променливо облачно и нестабилно со повремени врнежи од дожд, проследени со грмежи.
Врнежите локално ќе бидат поројни и понекаде се очекува да наврне и поголема количина на воден талог.
Од среда нестабилноста ќе се намали, но и понатаму ќе има услови за локална појава на краткотраен пороен дожд со ретки грмежи.
