Дваесетгодишно момче со тешка повреда било пренесено во кумановската болница. Според информациите на полицијата, тоа се повредило на работа во фабрика лоцирана на автопатот Скопје-Куманово.
Вчера во 18.15 часот во СВР Куманово, од Општа болница Куманово пријавиле дека на Одделението за хирургија за укажување лекарска помош бил донесен повреден Н.С.(20) од Куманово. Според информациите на МВР, тој се здобил со тешка повреда на раката на работното место во фабриката „Квалитет Пром“ лоцирана на автопатот Скопје-Куманово. Полицијата презема мерки за расчистување на случајот.
