Во текот на вчерашниот ден на подрачјето на Секторот за внатрешни работи Скопје се случиле вкупно седум сообраќајни незгоди од кои три со лесни телесни повреди и четири со материјална штета.
Во сообраќајните незгоди осум лица се здобиле со лесни телесни повреди. Од преземените мерки и активности констатирано е дека 68 возачи управувале возила со брзина поголема од дозволената. Од сообраќај се исклучени 20 возачи од кои: 10 возачи кои управувале возила без да се стекнат со право за управување на моторно возило, двајца возачи затоа што биле возачи-почетници и осум возачи поради сторени останати сообраќајни прекршоци.
Исто така исклучени од сообраќај се и 36 возила поради истечена важност на сообраќајната дозвола и две возила поради техничка неисправност. Во текот на изминатиот ден издадени се 201 мандатни платни налози, додека 62 возила се подигнати со специјално возило “пајак”.