Турската агенција IHA објави видео кое го направил вработен во еден хотел со пет ѕвезди во населбата Гојунк, во дистриктот Кемер, провинција Анталија.
Видеото прикажува Русинка и нејзините две деца кои управата ги обвинила за кражба на имот на хотелот.
Овие туристи очигледно буквално ја сфатиле услугата „all inclusive“ и се обиделе да изнесат буквално се што можеле да понесат од собата – сет садови, крпи, шампони, тоалет хартија, полна торба овошје, чај, кафе, слатки…
„Имам две деца, а ние јадеме овошје, слатки, и онака сето тоа го плативме… А кога јадеме, мораме да ги избришеме рацете со нешто. Садовите? Па, ги користевме покрај базенот, а потоа ги измив и ги подготвив да се најдат“, објаснила Русинката.