Официјален Пјонгјанг соопшти дека до крајот на месецов ќе одржи церемонијално гаснење и уништување на полигонот за нуклеарно тестирање, пренсуваат светските медиуми.
Во зависност од временските услови, уништувањето на полигонот ќе биде спроведено меѓу 23 и 25 мај со цел одржување на ветувањето дека Северот ќе ги прекине нуклеарните тестирања.
Според информациите, планирано е тој настан да биде симболичен и драматичен, со што ќе биде поставен темел за состанокот меѓу севернокорејскиот лидер Ким Џонг Ун и американскиот претседател Доналд Трамп, кој е закажан за 12 јуни во Сингапур.
Сите тунели на полигонот за нуклеарно тестирање ќе бидат уништени со експлозив, а ќе бидат отстранети и сите набљудувачки и истражувачки објекти, како икопнени единици, соопшти севернокорејското министерство за надворешни работи.
