Неколку села во Србија вчера беа погодени од силно невреме и град.
Во Македонија невремето траеше кратко, но во Србија, во текот на вечерта паднал град со големина како орев.
Направени се штети на посевите.
Оштетени се и автомобили во градовите.
Инаку утре и во понеделник ќе биде особено нестабилно со пороен дожд, грмежи и повремено засилен ветер.
Процесите ќе бидат поинтензивни на запад и на југ, каде што ќе има и почеста појава на град. Во вторник и среда ќе биде малку посвежо со повремени врнежи од дожд претежно во попладневните часови, а условите за нестабилност ќе бидат помали.