Во наредните денови продолжува периодот на променливо облачно и нестабилно време со локален пороен дожд, грмежи и засилен ветер, особено во попладневните часови, соопшти УХМР.
Поизразена нестабилност ќе има за време на деновите од викендот.
Времето утре претпладне ќе биде сончево, а попладне со локален развој на нестабилна облачност проследена со пороен дожд и грмежи.
Ќе дува умерен, а во Повардарието засилен ветер од југоисточен правец. Утринската температура ќе се движи од 7 до 15, а дневната од 22 до 29 степени.
Во Скопје претпладне ќе биде сончево, а попладне со умерена облачност и услови за краткотраен дожд и грмежи. Ќе дува умерен југоисточен ветер. Температурата ќе се движи од 13 до 28 степени.
Спонзорирано:
