Извршниот комитет на ВМРО-ДПМНЕ вчера, на седница, именуваше претседатели на неколку општински комитети.
За претседател на ОК во Штип беше избран Иван Јорданов, Мирче Аџиоски за Струга, Бошко Цветковски – Лозово, Коста Маневски – Зелениково, Анри Андоноски – Крива Паланка, Ѓорѓи Граматиков – Дојран, Митко Костадиновски – Виница, Никола Атанасов – Берово, Јован Тозиевски – Ресен, Миле Лефков – Кочани, Ненад Јовчевски – Тетово, Дарко Костовски – Бутел, Сашо Донев – Охрид, Иванчо Тошевски – Битола.
Извршниот комитет ги назначи и новинарот од „Република“ и „ТВ Нова“, Наум Стоилковски, и Димче Арсовски за портпароли. За време на седницата ИК заклучи дека државата е презадолжена, а институциите се злоупотребени.
