Дански трговец со дрога кој имал 1.000 цигари марихуана по грешка влегол во полициско возило наместо во такси, соопшти полицијата во Копенхаген.
– Еден продавач на хашиш од областа Кристијанија, во брзање да стигне дома влезе во полициско возило мислејќи дека е такси. Многу се изненади кога увиде каде всушност влегол, наведува полицијата.
Кристијанија е либерална област во Копенхаген која во 70-тите години беше главен пазар за канабис.
Полицијата веднаш уапсила дилерот кога ја пронашла дрогата.