Триесет и седумгодишен скопјанец и неговиот четиригодишен син со брза помош биле пренесени на Ургентниот центар во Скопје бидејќи биле повредени во сообраќајна незгода во која учествувал полициски автомобил „шевролет спарк“, управуван од Г.Л. (41).
Како што информираат од МВР, сообраќајната несреќа се случила вчера на раскрсницата од булеварот Јане Сандански со улицата Васко Карангелевски, при што полицискиот автомобил се судрил со „ауди“, управувано од И.Т. (37) од Скопје.
На И.Т. и неговиот син им биле констатирани телесни повреди и по укажаната лекарска помош, биле пуштени на домашно лекување. Увид на местото на настанот извршила екипа од Секторот за внатрешни работи – Скопје. Полицијата работи на целосно расчистување на случајот.
Спонзорирано:
