Повеќе од илјада турски дипломати, државни службеници и членови на нивните семејства побарале политички азил во Германија, по обидот за пуч во Турција во 2016 година, соопшти Сојузната канцеларија за миграции и бегалци (БАМФ).
„До 7 март оваа година 288 сопственици на турски дипломатски пасоши и 771 сопственик на пасош за државни службеници во Германија поднеле барање за политички азил“, соопшти БАМФ. Во оваа статистика не се опфатени припадниците на вооружените сили.
И бројот на турски државјани со обични пасоши кои бараат азил во Германија е во пораст. Само во првите два месеца од годинава азил побарале 400 турски државјани. Лани тој број изнесувал 8.500, а во 2016 – 5.700.
Истовремено, нагло расте и процентот на прифатени барања за азил.
