Американскиот претседател, Доналд Трамп, возврати на заканите на поранешниот потпретседател Џо Бајден, кој упати остри критики на сметка на Трамп дека би го претепал да биле во средно училиште.
„Лудиот Џо Бајден се обидува да се однесува како опасно момче. Всушност, тој е слаб и ментално и физички, но и натаму ми се заканува со физички напад, веќе вторпат. Тој не ме познава, но би паднал бргу и силно плачејќи цело време. Џо, не заканувај им се на луѓето!“ напиша Трамп.
Бајден претходно рекол дека никогаш не би дебатирал со човек што станал национален лидер, како и дека претседателот би можел да ја дофати секоја жена за што посака и дека тоа би му се допаднало на секого.
„Да сме во средно училиште, би го одвел зад салата за физичко и би го претепал. Сум бил во многу соблекувални во текот на мојот живот и сум добар атлет. Тие што кажуваа за тоа како зборува Трамп обично се најдебелите и најгрдите ку***ни синови во просторијата“, рекол Бајден.
