Меѓународниот аеродром Raleigh-Durham во Северна Каролина, САД, пред неколку дена за малку ќе станел место на трагедија.
При слетување, авион MD-88 на компанијата Делта Ерлајнс се нашол на удар на силен ветер.
Авионот се нишал, десното крило дури ја допрело пистата, но пилотот го исправил леталото и безбедно го приземјил.
Портпаролот на аеродромот изјавил дека тој ден имало неколку доцнења и откажувања на летови, пренесоа американските медиуми.
