Тетовец е уапсен откако во неговиот дом е пронајден кокаин. Како што информира полицијата, вчера од 17 до 19 часот, по претходно издадена судска наредба, полицајци од Секторот за внатрешни работи Тетово извршиле претрес во домот и помошни простории на Е.М. (48) од Тетово.
При претресо, под прозорецот од бањата билo пронајденo ќесе во кое имало кокаин. Е.М. бил приведен и задржан во Полициската станица Тетово. По целосно документирање на случајот против него ќе биде поднесена пријава.
