Шокираните нови сопственици го нашле скелетот на Мери Черути (61) помеѓу два ѕида во куќата, а полицијата сега објави потресни детали од несреќната судбина на оваа жена од Хјустон.
Мери исчезнала летото 2015 година и тоа не поминало незабележано – соседите покренале потрага, но од неа ни трага ни глас.
Нејзината судбина била мистерија до мај минатата година, кога се вселиле нови станари и почнале да ја средуваат куќата.
Во шуплина помеѓу два ѕида, кои го делат купатилото од собата, нашле остатоци од несреќната жена.
Таа од некоја причина се качила на таван и пропаднала во тесен простор помеѓу двата ѕида.
Истражувачите успеале да соберат поголем дел од коските и да го реконструираат целиот скелет.
Се претпоставува дека несреќната жена во ѕидот ја изеле глувци, па останале само коските.
Никогаш нема да се дознае колку траела нејзината агонија.
