Американскиот претседател Доналд Трамп ја поздрави одлуката со која кинескиот претседател ќе има доживотна функција. Тој изјави дека тоа е многу добро, шегувајќи се дека и САД би можеле да ги спроведат потребните реформи и да овозможат исто сценарио.
„Си Џинпинг е сега доживотен претседател. Успеа во тоа Си Џинпинг. Прекрасен е…Мислам дека тоа е прекрасно“ изјави синоќа Трамп со шеговит тон, за време на донаторска вечера за републиканците во неговата вила на Флорида.
Предлогот на Трамп и САД да се обидат да спроведат такво нешто овие денови, предизвика смеа кај присутните. Тој исто така ја критикувал и неговата противничка, Хилари Клинтон, додека за ирачката инвазија рекол дека тоа е најлоша одлука која е донесена некогаш.
Трамп се пошегувал и со хаосот во Белата куќа, како и за неговиот зет, Џаред Кушнер, кој, наводно, го укинал безбедносниот надзор.
„Доцневме вечерва бидејќи Кушнер неможеше да помине преку обезбедувањето“ се пошегува Трамп.