Вицепремиерот на Австралија, Барнаби Џојс, денеска поднесе оставка, наводно, поради неоснованите обвинувања дека сексуално вознемирувал една жена.
Џојс рече дека ја напушта функцијата заменик-премиер, но нема да поднесе оставка во парламентот, објавија светските агенции. Идентитетот на жената која го обвини политичарот за вознемирување не е откриен.
На почетокот на февруари во медиумите одекна веста дека Џојс и неговата поранешена портпаролка очекуваат дете во април. Скандалот на заменик-премиерот ја загрози стабилноста на владата, а Џојс зема отсуство од работното место откако медиумите открија дека тој ја оставил сопругата и четирите деца, откако неговата љубовница забременила.
Џојс рече дека неговата Национална партија, која е во владејачката коалиција, ќе избира нов лидер во понеделник.
