Претседателот на Република Македонија, Ѓорге Иванов, денеска беше информиран за борбената готовност на Армијата на Република Македонија од страна на началникот на Генералштабот на АРМ, генерал-потполковник Методија Величковски. Како што информираат од претседателскиот кабинет, брифингот за борбената готовност е редовна обврска на началникот на Генералштабот на АРМ кон претседателот на Република Македонија.
Оттаму додааваат дека Иванов бил информиран за реализацијата на плановите и задачите во АРМ во изминатата година врз основа на извршената целосна и објективна анализа на Генералштабот, факторите и елементите кои влијаат на борбената готовност, како за и предлози и мерки за подобрување на степенот на борбената готовност на АРМ на повисоко рамниште во 2018 година.
На брифингот биле опфатени клучните функционални области кои влијаат на борбената готовност и било заклучено дека и покрај објективните потешкотии и ограничени расположиви ресурси, АРМ успешно ја извршувала својата мисија и сите поставени задачи.
