Под влијание на серија влажни бранови во наредните денови ќе се задржи претежно облачно време со повремени локални врнежи од дожд, а на планините и на некои повисоки места од снег.
Врнежите ќе бидат со слаб до умерен интензитет и повеќе застапени во западните делови од земјава.
Денеска во овие делови локално се очекува да наврнат над 20л/м2.
Се очекува снежната покривка на планините значително да се зголеми.
Ќе дува умерен, долж Повардарието и во источните подрачја до засилен југоисточен ветер.
Синоќа силни врнежи од снег на Ѓавато
Во текот на ноќта на планинскиот превој Ѓавато, патот беше прекриен од снег.
Погледнете го видеото:
АМСМ СЛУЖБА ЗА ПОМОШ И ИНФОРМАЦИИ известува:
ЗАБРАНА ЗА СООБРАЌАЈ:
На патните правци Гостивар – Кичево, преку планинскиот премин Стража и крак Маврово – Дебар има забрани за движење на тешки моторни возила поради врнежи од снег.
СОСТОЈБА:
Сообраќајот на државните патишта се одвива по влажни коловози, во западните и југозападните делови од државата наместа со остатоци од кашест снег на коловозот.
Врнежи од снег со среден интензитет се бележат на Попова Шапка, Маврово, Крушево, Кичево, Буково, Ѓавато, Пресека и Железнец, а со послаб интензитет во Тетово и на планинскиот премин Стража.
Во Гостивар и во Дебар врнежите се од дожд и снег.
