Во текот на вчерашниот ден околу 22.15 часот, полицајци од Гостивар, на улицата „Никола Тесла“ запреле патничко возило „Бе-ем-ве“ со гостиварски регистарски ознаки, управувано од А.С. (22). Во возилото како сопатници се наоѓале и А.Д (21) и А.С. (23), сите од Гостивар.
При преглед на возилото, зад совозачкото седиште била пронајдена наркотична дрога марихуана. При прегледот, А.С. (23) им се спротивставувал на полициските службеници и одбивал да влезе во службеното возило. Тој се обидел да избега и му ја скинал кошулата на еден од полициските службеници, при што му нанел и повреда на левата дланка.
Тројцата биле приведени и задржани во Полициската станица Гостивар. По целосно расчистување на случајот, против нив ќе бидат поднесени содоветни поднесоци.
