Во двокатна куќа на улица Гоце Делчев во Тетово ноќеска избувнал пожар при што според првичните информации настрадале жена и четири деца, потврди Обвинителството.
Оттаму информираат дека надлежниот обвинител од Основното јавно обвинителство – Тетово во моментов е на местото на настанот и во соработка со увидната екипа од Полициската станица – Тетово и Противпожарната служба врши увид. Обвинителот повикал тим за форензика од Скопје и екипа на ЕВН, кои треба да помогнат во утврдување на околностите и причините за пожарот. Издадена е наредба за обдукција на пронајдените тела и се преземаат други дејствија неопходни за расветлување на случајот.
Спонзорирано:
