Поранешниот директор на американската разузнавачка служба, Џејмс Клапер, вели дека бил една од целите на сомнителен пакет, тој посочува дека пакетот го добил денеска.
Клапер меѓудругото изјави и дека било сосема јасно дека пакетите со бомби кои беа доставени до истакнати демократи и други критичари на американскиот претседател, Доналд Трамп, се акт на домашен тероризам.
Во интервју за Си-ен-ен, каде што работи како аналитичар, рече дека не е изненаден што тој бил цел и го карактеризира овој инцидентот како „сериозен”, објави „Ројтерс“.
Единаесеттиот по ред сомнителен пакет беше денеска пронајден во Флорида. Најновиот сомнителниот пакет беше адресиран до демократскиот сенатор Кори Букер, објавија ТВ-мрежите Си-ен-ен и МСНБЦ.
Белата куќа соопшти дека ова се ужасни инциденти и дека сторителите ќе одговораат пред судот.
Претседателот на САД, од своја страна, рече дека во САД нема место за политичко насилство, а првата дама, Меланија Трамп, инцидентите ги нарече кукавички напади.