Осиромашување на мнозинството граѓани и богатење на малкумина од нив е лошата слика за времето на криминалното владеење на ВМРО-ДПМНЕ. Таа лоша слика се менува, економијата се движи во добар правец. Токму погубните криминални политики на ВМРО-ДПМНЕ доведоа до тројно зголемување на долгот и огромна буџетска дупка во Фондот за пензиско и инвалидско осигурување, соопшти СДСМ.
„ВМРО-ДПМНЕ да престане да ја лаже јавноста и да се расфрла со паушални бројки и проценти за даноци што допрва треба да подлежат на јавни дебати и дискусии. Се спроведува темелна анализа за начините и моделите на обезбедување фер даночна политика во земјата. Во моментот кога анализата ќе биде подготвена, таа ќе се презентира пред граѓаните и пред стручната јавност со цел да се отвори јавна дебата базирана на точни податоци и факти.
Залудни се лажните вести на ВМРО-ДПМНЕ, економијата се движи во добра насока. Растот на минималната и просечната плата, рекордниот износ на странски директни инвестиции е 235 милиони само во првиот квартал од оваа година, падот на невработеноста и намалените трошоци за живеење се само дел од економските параметри што ја докажуваат успешноста на економските политики на Владата предводена од СДСМ“, се додава во соопштението.
