Од утрово е зголемено присуството на војници на КФОР пред зградите на општините Северна Митровица, Лепосавиќ, Звечан и Зубин Поток.
Кога работниците се обиделе да влезат во зградата на општина Звечан, дошло до судир меѓу насобраните граѓани и силите на КФОР – биле фрлени шок бомби и солзавец, а биле фрлани и камења и шишиња.
Како што изјави директорот на КБЦ во Косовска Митровица, во судирите се повредени над 52 лица, од кои едно е во животна опасност.
Портпаролот на НАТО зборуваше за нападот врз групите на КФОР и остро го осуди овој чин.
„НАТО најостро ги осудува неиспровоцираните напади врз припадниците на КФОР на северот на Косово, кои резултираа со голем број од нив повредени. Ваквите напади се целосно неприфатливи. Насилството мора веднаш да престане“, се вели во соопштението.
Вучиќ: Курти сака да види големи конфликти меѓу Србите и НАТО
„Во последните три дена дури и политички неписмен човек можеше да разбере што се подготвува за денес, сè беше организирано од Аљбин Курти, сè со неговата желба да дојде до голем конфликт меѓу Србија и НАТО“, рече Вучиќ во своето вонредно обраќање. вечерва.
