Шест лица биле лишени од слобода на повеќе локации во Скопје во текот на 11 и 12 ноември 2026 година, откако полициски службеници од СВР Скопје кај нив пронашле и одзеле различни видови материи, информира Министерството за внатрешни работи.
Според полицискиот билтен, приведени се четворица жители на Скопје, на возраст од 28, 39, 40 и 34 години, како и двајца државјани на Турција, на возраст од 36 и 24 години. Лицето на возраст од 36 години има пријавен престој во Скопје.
При полициските постапувања биле пронајдени и одземени бела прашкаста материја, грутчеста материја и марихуана. Од МВР соопштуваат дека по целосно документирање на случаите ќе следуваат соодветни поднесоци.
