Земјите од Европската унија се договорија да дадат 5 милијарди евра за воена помош за Украина. Претставниците на 27 земји-членки на ЕУ на состанокот во Брисел по неколкумесечна тензија се согласија за реорганизација на фондот „Европски мировен фонд“.
По одлуката, украинскиот министер за надворешни работи Дмитро Кулеба рече дека помошта е „уште една силна и навремена демонстрација на европското единство и решителност да се постигне нашата заедничка победа“.
Исто така, артилериските гранати набавени од земји кои не се членки на ЕУ преку иницијатива предводена од Чешка треба да пристигнат на украинските боишта најдоцна до јуни.
Минатиот месец, Чешка поднесе предлог да купи стотици илјади артилериски гранати од трети земји за да ја зајакне одбраната на Украина од Русија. Повеќе од десетина земји ветија финансирање.
Петр Фиала, чешкиот премиер, рече дека е потврдено купувањето на 300.000 проектили и дека се ветени дополнителни 200.000, според новинската агенција Euractiv.
Томас Појар, советник на Фиала, рече дека првите испораки „може да се очекуваат во Украина најдоцна во јуни“.
