Човекот осомничен за убиството на германски турист и ранувањето на уште двајца во близина на Ајфеловата кула во Париз во саботата вечерта, се заколна на верност на Исламската држава (ИСИЛ) во видеото што беше објавено.
Арманд Раџабпур-Мијандоаб (Armand Rajabpour-Miyandoab) „снимил видео пред да го изврши злосторството“, според францускиот обвинител за борба против тероризмот.
Тој додаде дека на видеото зборувал на арапски и се заколнал на верност на ИСИЛ.
Видеото е објавено на неговиот профил на социјалната мрежа Х, на која има бројни објави за Хамас.
Инаку, тој веќе одлежа четири години затвор за планирање на нападот пред да биде ослободен во 2020 година, а беше под надзор на разузнавачките служби и на психијатриско лекување.
Франција е во состојба на висока готовност за потенцијални напади во позадина на војната меѓу Израел и Хамас.
