18.8 C
Скопје
20. мај 2024
Centar.mk – Вести, бизнис, забава, спорт…
СВЕТ

Хамас денеска треба да ослободи уште 11 заложници: Израел го доби списокот

На четвртиот, последен ден од договореното примирје, Израел го доби списокот со последните 11 заложници, кои денеска треба да бидат ослободени по 52 дена во заробеништво на Хамас.

Палестинската милитантна организација вети дека ќе ослободи вкупно 50 жени и деца киднапирани во Газа во замена за ослободување на 150 Палестинци од израелските затвори, освен ако договорот не биде продолжен под нови услови, пишува „Тајмс оф Израел“.

Хамас во неделата објави дека на третиот ден од прекинот на непријателствата со израелската армија ослободи 13 израелски заложници, како и четворица странци – тројца тајландски и еден руски државјанин.

Меѓутоа, израелската армија објави дека 14 Израелци и тројца странци се ослободени и предадени на Меѓународниот комитет на Црвениот крст.

Во соопштението објавено во неделата вечерта, Хамас рече дека сака да го продолжи примирјето по завршувањето на четиридневното примирје, во обид да ослободи повеќе Палестинци од израелските затвори.

Договореното примирје веќе вклучува одредба да се продолжи за уште еден ден за секои десет заложници што Хамас се согласува да ги ослободи.