Извршниот директор на Детската агенција на ОН (УНИЦЕФ), Кетрин Расел, изјави дека вистинската цена на последната ескалација во Газа ќе се мери со животот на децата.
Во своето денешно обраќање пред Советот за безбедност на ОН, таа рече: „Повеќе од 420 деца се убиени или ранети во Газа секој ден – бројка што треба да го потресе секој од нас до срж“.
– Има и тешки прекршоци направени врз деца – посочи таа.
Повеќе од 3.400 палестински деца се убиени во Газа, а повеќе од 6.300 деца се повредени од 7 октомври, според палестинските власти.
Најмалку 37 деца наводно биле убиени на окупираниот Западен Брег, вклучувајќи го и Источен Ерусалим, рече таа.
