Рускиот министер за надворешни работи Сергеј Лавров изјави дека зајакнувањето на военото присуство на Соединетите Американски Држави на Блискиот Исток претставува опасност од „ескалација“ на конфликтот меѓу Израел и Хамас.
Реагирајќи на дејствијата на САД, Лавров рече дека „колку повеќе држави преземаат ваков тип на проактивни мерки, толку е поголем ризикот и опасноста од ескалација на конфликтот“.
Сепак, шефот на руската дипломатија исто така призна дека се потребни напори на Вашингтон и на Европската унија за да се обезбеди дипломатско решение на конфликтот меѓу Израел и Хамас.
– Мора да дејствуваме врз основа на заедничките потенцијали на земјите од регионот, Европската Унија, а веројатно и САД. Ќе ни биде тешко без нив – заклучи Лавров.
