Египетскиот претседател Абдел Фатах ал-Сиси и јорданскиот крал Абдула го осудија, како што го нарекоа, „колективно казнување“ на Палестинците во Газа по состанокот во Каиро на кој се разговараше за војната.
Во соопштението издадено од Јордан, исто така, се предупреди дека борбите се закануваат да го втурнат целиот регион во катастрофа.
Сиси и кралот Абдула требаше да разговараат со американскиот претседател Џо Бајден и со палестинскиот претседател Махмуд Абас во Јордан оваа недела, но Јордан го откажа состанокот по експлозијата во Арапската болница Ал-Ахли во Газа во вторникот. Египет и Јордан беа првите арапски држави кои ги нормализираа односите со Израел и одиграа значајна посредничка улога во претходните конфликти.
