Вистинската драма се одвивала во моментот кога авионот на германскиот канцелар Олаф Шолц требало да го напушти Тел Авив.
Непосредно пред полетувањето од аеродромот Бен Гурион се огласија сирените. Шолц веќе се качил во владиниот авион кога дојде наредбата сите патници да излезат од авионот и да легнат на асфалтот.
Шолц беше брзо евакуиран од авионот за време на воздушниот напад и однесен со автомобил до зградата на аеродромот каде што се наоѓаат засолништата. Канцеларот со свои очи можел да види две експлозии, пренесува Билд.
Станува збор за детонации од израелскиот систем за противвоздушна одбрана „Железна купола“, кои од небо ги соборија ракетите на Хамас. Билд наведува дека биле истрелани два противавионски проектили кои јасно се слушнале на аеродромот.
#Raketenalarm in Tel Aviv. Die Regierungsmaschine wird umgehend evakuiert. @Bundeskanzler wird in einen Schutzraum gebracht. Wir legen uns vor dem Flugzeug auf den Boden. @robinalexander_ @frautoroxel pic.twitter.com/OTWV55KUoA
— Sara Sievert (@sara__si) October 17, 2023
Според информациите на БИЛД, безбедносните служби потоа извршиле претрес во авионот на германската влада и проверувале дали има можни опасности.
По неколку минути, на канцеларот и на неговите соработници им било дозволено да се качат во авионот, кој потоа полетал за Каиро.
