Телата на некои Палестинци убиени во бомбардирањата на израелските воени сили се чуваат во комбиња со замрзнувачи за сладолед. Според здравствените власти во Газа, нивното транспортирање во болниците е премногу ризично.
Јасер Али (Јасер), лекар во болницата Шухада Ал Акса, рече дека тамошната мртовечница може да собере само десет тела и затоа донеле замрзнувачи за сладолед од фабриката за да складираат голем број жртви.
Комбињата обично се користат за доставување сладолед до супермаркетите, но сега се претворени во импровизирани мртовечници.
Властите во Газа објавија дека повеќе од 2.200 луѓе досега се убиени во израелското бомбардирање на регионот, кое трае од минатиот викенд.
Болничките работници зборуваа за „заостанати“ пациенти додека се борат со нови жртви, кои се зголемуваат од ден на ден.
Но, тој рече дека дури и со замрзнувачите за сладолед, бројот на загинати го „надминува капацитетот“ на главната болничка мртовечница и други.
– Помеѓу 20 и 30 тела се чуваат во шатори – рече Јасер но, предупредувајќи ги семејствата дека нема да можат да ги погребаат своите роднини доколку кризата продолжи.
