Евгениј Пригожин, водач на платеничкиот одред „Вагнер“, кој го предводеше неуспешниот бунт против руското Министерство за одбрана претходно ова лето, се верува дека загинал со приватен авион во близина на Москва во средата.
Безбедносните претставници и експерти за Русија веруваат дека, најверојатно, Путин е одговорен за неговата смрт, пишува Бизнис Ин сајдер .
Не е јасно дали Пригожин, всушност, бил во урнатиот авион иако неговото име е на списокот на патници. Рускиот државен медиум ТАСС подоцна потврди дека Пригожин и неговиот главен помошник Дмитриј Уткин се меѓу загинатите цитирајќи ја руската агенција за цивилно воздухопловство.
Профилите на социјалните мрежи блиски до „Вагнер“ потврдија дека Пригожин загинал во авионската несреќа обвинувајќи ги за неговата смрт предавниците на Русија. Руското Министерство за одбрана не ја коментира ситуацијата.
Инсајдер нуди неколку можни објаснувања за тоа што се случило со Пригожин врз основа на моментно достапните информации:
Атентатот по наредба на Владимир Путин е најдоброто објаснување за катастрофалната несреќа на авионот, вели Сајмон Мајлс, професор на Универзитетот „Дјук“ и експерт за советската историја и односите меѓу САД и СССР.
Путин е познато дека не простува и ги имаше сите причини да ја посака смртта на Пригожин откога платеничкиот водач почна бунт против руското Министерство за одбрана во јуни. Бунтот не траеше, но сепак беше најголемата закана за режимот на Путин во последните две децении, пренесува медиумот.
„Не е чудно што Путин сакаше да се одмазди“, објаснува Роберт Инглиш, професор на Универзитетот во Јужна Калифорнија, кој ги проучува Русија и Источна Европа. „Ние што го анализираме Путин го очекувавме тоа и тоа се случи денеска – точно два месеца по бунтот на ‘Вагнер’“, додава тој.
Во месеците по неуспешниот бунт, меѓународните претставници и експерти едногласно предвидуваа дека Пригожин ќе умре. Директорот на ЦИА, Бил Барнс, минатиот месец изјави дека деновите на Пригожин се избројани.
„Путин е некој што верува дека одмаздата се служи ладно“, рече тогаш Бернс. „Според моето искуство, Путин е главниот поборник за одмазда и навистина би бил изненаден доколку Пригожин избегне дополнителни последици за она што го направи“, вели тој.
Коментирајќи ја веста за падот на авионот, американскиот претседател Џо Бајден посочи дека Путин може да биде одговорен за падот.
„Јас лично би бил внимателен“, рече тој. „Не се случуваат многу нешта во Русија, без одобрение на Путин.
Поранешниот шеф на британската МИ6, сер Џон Соерс, се согласи со Бајден велејќи во едно интервју: „Никогаш не можете да бидете сигурни каква е вистината во земји како Русија, но сите знаци се дека Путин го убил – тој ја вратил контролата“.
Дури и упатени во Кремљ велат дека не биле изненадени од веста за авионската несреќа. „Почувствувавме дека нема да заврши добро по бунтот“, изјави еден неименуван извор за независниот руски медиум „Медуза“. „Ваквите работи не се простуваат во Кремљ.
Не е незамисливо луѓето во војската, кои ги претрпеа навредите на Пригожин, да преземаат чекори против лидерот на „Вагнер“, без одобрение од Путин, вели Мајлс.
Британски разузнавачки извори изјавија за Би-би-си дека авионот на Пригожин, најверојатно, бил соборен од руската разузнавачка агенција во обид да ги зајакне позициите на руските воени лидери: министерот за одбрана, Сергеј Шојгу, и началникот на Генералштабот, Валери Герасимов, кого Пригожин многу јавно го критикува.
„Тешко е во оваа рана фаза да се објасни она што го видовме на кој било друг начин, освен дека некои државни ресурси беа искористени за соборување на тој авион“, вели Мајлс.
Армијата има пристап до ресурсите што може да го направи тоа, рече Мејлес, додавајќи дека таква наредба не мора да ја издава некој високо во хиерархиската структура на руската армија.
Оваа можност објаснува и како Пригожин можел да ужива два месеца слобода по неуспешниот бунт, вели тој.
Зошто да му дозволите на Пригожин да живее и да се фали со својата наводна непобедливост ако на врвот на државата има јасни планови да се убие, прашува Мајлс.
Има многу силни докази што укажуваат на дисфункција во руската влада. Русија го отпушти генералот Сергеј Суровикин оваа недела, неколку недели откако „Њујорк тајмс“ објави дека Суровикин однапред знаел што планира Пригожин. Ова го наметнува прашањето дали водачот на платениците имал помош однатре.
Сепак, тој ја отфрла идејата дека секој во армијата на Путин би направил сè без експресна дозвола на претседателот. Тој наведува уште еден потенцијален виновник.
„Кој друг би сакал да го види Пригожин мртов и има способност да го направи тоа? Украинците, се разбира“, вели тој.
