Денеска во близина на Сивири во Грција се одвивала драма во морето, а хероина била Србинката Сашка која храбро го следела детето додека морските струи го одвлекувале, пишуваат српските медиуми.
Како што опишала на Фејсбук страната Грција инфо, додека пливала, здогледала дете (5) кое цврсто се држи за даската додека го носи водата и за само неколку секунди струите го однеле педесетина метри. .
Кога тргнала по момчето, сфатила дека струите биле многу силни, а потоа ги видела неговите брат и мајка како врескаат. Сепак се фрлила во „акција“.
– Јужниот ветер кој дува од брегот ги носи струите. Најбрзо што можев почнав да пливам кон брегот, штом стигнав до луѓето почнав да викам „помош“, настана гужва, никој не мрдна. Трчам до барот на плажа кај што бев, паника се фаќа, викаат во центарот за спортови на вода (за среќа недалеку) сопственикот скока на џет ски и ги влече сите назад. Каква драма, само што доаѓам при себе – објаснува оваа жена.
Таа напоменува дека набргу по овој настан видела како од водата донеле уште две девојчиња на брегот.
