Албанците сочинуваат повеќе од една четвртина од илегалните мигранти кои минатата година го преминале Ла Манш и влегле во Велика Британија. Метрополитен полицијата објави фотографии од тесни камиони, во кои биле шверцувани.
Уапсени се седум лица кои шверцувале Албанци. На фотографиите кои ги објавени од полицијата, се гледа малата кабина на камионот во која шверцерите криеле луѓе додека се обидувале да ја преминат границата.
Ника Димитраки (35), Арлин Лека (29) и Дору-Емил Молдаван (32) ја признаа вината.
Кристијан Аголи (35), Алдис Чепље (33), Сорин Холерка (40) и Јозеф Зекели (33) беа прогласени за виновни по судењето минатиот месец и добија комбинирана казна од повеќе од 24 години затвор, пишува „Дејли мејл“.
Групата мажи била откриена откако детективите затвориле две фабрики за канабис во Брент, Лондон.
Разузнавачките податоци откриени за време на истрагата за наркотици ги навело полицајците да спроведат дополнителни истраги во Саутгејт Енфилд, автопатската служба во Југоисточна Англија и Велингборо во Линколншир.
Откриле дека организирана криминална група користела романски товарни возила за да влезат во Велика Британија, преку необична рута од Данкерк до Довер, а Албанците се криеле во кабината на камионот.
Камионите потоа ќе застанат на бензинските пумпи на автопатот, каде што ќе ги пречека член на банда кој потоа ќе ги земе Албанците.
„Оваа организирана криминална група сега е зад решетки, благодарение на работата меѓу Министерството за внатрешни работи и Метрополитен полиција“ рече Крис Фостер, заменик директор од Одделот за криминални и финансиски истраги на Министерството за внатрешни работи.
Тој рече дека ќе продолжи потрагата по бандите за трговија со луѓе.
