Во Базел, Цирих и Лозана веќе почнаа да се вршат експерименти со марихуана, а им се придружува и Берн.
Главниот град на Швајцарија одлучи наесен да започне програма за контролирана продажба на кокаин, откако градскиот парламент го усвои предлогот на Алтернативната левица со 43 гласа за и 18 против. Тоа е експериментална програма.
Многумина ова го толкуваат како обид на Швајцарците да бараат замена за глобалниот статус на банкарска нација по распадот на Credit Suisse, додека други сметаат дека станува збор само за воспоставување контрола врз нарко пазарот.
Никој не мисли дека кокаинот е добар, но многу е подобро да се контролираат постоечките зависници отколку да се остават на криминал. Планот е се да изгледа како веќе постоечката програма со марихуана.
На целата приказна се спротивставуваат група десничарски партии, кои сметаат дека федералната влада сепак треба да одлучи за тоа.
Инаку, слободната продажба на кокаин беше предложена за прв пат во Берн во 2019 година, но сепак тогаш беше одбиена.
